རྣལ་འབྱོར་གསུམ་ལས་རླུང་ཇོ་ཡེས་ཀྱི་རྣམ་ཐར།

ཇོ་ཡེས། དགའ་ཡེས། བདེ་ཡེས་ཏེ་རྣལ་འབྱོར་གསུམ་ལས། རླུང་ཇོ་ཡེས་ནི། ཆོས་རྗེས་ཧ་བོ་གངས་སུ་རོ་སྙོམས་སྐོར་དྲུག་གི་ཆོས་སྒོ་ཐོག་མར་ཕྱེ་བའི་ཚེ་སློབ་མའི་གཙོ་བོ་དང༌། མགོན་པོའི་སྒྲུབ་ཐབས་རྣམས་ཀྱི་སྐུལ་བ་པོ་དང༌། ཆོས་རྗེའི་བཀའི་སྡུད་པ་པོ་ཡིན་པས་གདམས་ངག་ཆེ། ཚེ་བློས་བཏང་གིས་རི་ཁྲོད་འགྲིམ་ཞིང་རླུང་སེམས་ལ་དབང་འབྱོར། སྣང་བ་བདེན་མེད་དུ་རྟོགས་པས་རྫུ་འཕྲུལ་ལ་མངའ་བརྙེས། ཁོང་ལ་སྐྱི་སྟོན་དང༌། དབྱར་རས་སོགས་སློབ་མ་མང༌། གྲར་དགའ་ལྡན་བཏབ་བོ། །