རྗེ་མཁན་པོ་ཡེ་ཤེས་སེང་གེའི་རྣམ་ཐར།

༈ རྗེ་མཁན་ཁྲི་རེ་ལྔ་པ་ཡེ་ཤེས་སེང་གེ་ནི། ཤར་རྩིབས་ལོགས་རྡོར་གླིང་གདུང་རབས་སུ། རབ་བྱུང་བཅོ་ལྔའི་མེ་རྟ་༼༡༩༠༦༽ལོར་འཁྲུངས། གཞོན་ནུ་ནས་འདུས་སྡེར་ཞུགས། མཁན་དཔལ་ལྡན་སེང་གེ་དང་སྲིད་ཞི་རྣམ་རྒྱལ་ལས་བསླབ་ཚིགས་རིམ་པར་མནོས་ཤིང༌། སྨིན་གྲོལ་གྱི་གདམས་པ་གསན། གཞན་ཡང་མཁན་ཆེན་ཆོས་ཀྱི་དབང་ཕྱུག །རྡོར་སློབ་བསྟན་འཛིན་རྒྱ་མཚོ། བུ་ལིའི་སྤྲུལ་སྐུ། མཁས་མཆོག་བསྟན་པ་རིན་ཆེན། མཁྱེན་སྤྲུལ་ཆོས་ཀྱི་བློ་གྲོས་སོགས་ལས་མདོ་སྔགས་རིག་གནས་དང༌། གསང་སྔགས་གསར་རྙིང་གི་གདམས་སྐོར་གསན་སྒོམ་ཕྲུགས་མར་གནང༌། སྲིན་ཕུ་བླ་མ་དང༌། རྡོར་སློབ་མཛད། དགུང་གྲངས་དྲུག་ཅུ་པ་ཤིང་སྦྲུལ་ལ་མཁན་ཁྲིར་ཕེབས། རྟ་མགོ་ཆོས་དབྱིངས་རྫོང་དུ་སྒྲུབ་སྡེ་བཏབ་པས་མཚོན་ལོ་གསུམ་བར་དུ་བཤད་སྒྲུབ་ཀྱི་བསྟན་པ་བསྐྱངས། རེ་བཞི་པ་ས་བྱ་༼༡༩༦༩༽ལོར་ཞི་བར་གཤེགས་སོ། །