རི་ཁྲོད་པ་གཞོན་ནུ་རྒྱལ་མཚན་གྱི་རྣམ་ཐར།

༈ དེའི་སློབ་མ་རི་ཁྲོད་པ་གཞོན་ནུ་རྒྱལ་མཚན་ནི། རབ་བྱུང་ལྔ་པའི་ལྕགས་ཕག་༼༡༣༡༡༽ལོར་འཁྲུངས་ནས་དགུང་ལོ་བརྒྱད་ཅུ་པ་ལྕགས་རྟ་༼༡༣༩༠༽ལོ་ལ་གཤེགས། དེའི་སློབ་མ་མཁན་ལུང་ཆོས་སྐྱོང་མགོན་པོ། རས་ཆེན་གཞོན་ནུ་དཔལ་ལ་སོགས་པ་མང་དུ་བྱོན། དེ་ལ་མཁས་བཙུན་ཆོས་རྗེ་དང༌། རས་ཆེན་ཆོས་འཛིན་མགོན་པོ་སོགས་བྱོན། ཆོས་སྐྱོང་མགོན་པོ་ལ། མཁན་ལུང་རྡོ་རྗེའི་མཚན་ཅན་དང༌། དྷརྨ་ཀོ་ཥ་སོགས་བྱོན། དེ་ལ་བྲོ་ས་མཁས་བཙུན། དེ་ལ་གཞོན་ནུ་བློ་གྲོས། དེ་ལ་མཉམ་མེད་ཤ་ར་རབ་འབྱམས་པས་གཏུགས་པ་སོགས་ལོ་རྒྱུས་མང་ངོ༌། །