འཇམ་དབྱངས་ཕྲིན་ལས་རབ་བརྟན་གྱི་རྣམ་ཐར།

༈ རྒྱལ་དབང་དྲུག་པའི་སློབ་མ་རྫོང་ཕུག་པ་འཇམ་དབྱངས་ཕྲིན་ལས་རབ་བརྟན་ནི། རྒྱལ་དབང་དྲུག་པ་མི་ཕམ་དབང་པོ་ལ་བསྟེན་ནས་སྨིན་གྲོལ་གདམས་པའི་མཛོད་དུ་གྱུར། རྗེ་འདི་ཉིད་ཀཿཐོག་རིག་འཛིན་ཚེ་དབང་ནོར་བུས་རྩ་བའི་བླ་མར་བསྟེན་ནས། འབྲུག་ལུགས་གདན་ས་བརྒྱུད་པའི་དབང་ལུང་གདམས་པ་ཡོངས་རྫོགས་གསན་བཞེས་གནང་སྟེ། འདི་ནས་རིམ་བཞིན་ཕྱག་ཆེན་བརྒྱུད་པ་བྱུང་ཞིང༌། ཞབས་བརྟན་གསོལ་འདེབས་ཀྱང་འདི་ལྟར་ཕུལ། ཨོཾ་སྭསྟི། དཔལ་ལྡན་གྲུབ་པའི་དབང་ཕྱུག་འཁོར་ལོའི་མགོན། །དོན་བརྒྱུད་སྙིང་པོའི་སྟོན་པ་རྡོ་རྗེ་འཆང༌། །བྱིན་རླབས་ཆུ་བོ་འདྲེན་པའི་ཤིང་རྟ་ཆེ། །རྩ་བའི་བླ་མ་ཕྲིན་ལས་རབ་བརྟན་ཞབས། །གདུལ་བྱའི་དོན་དུ་བསྐལ་བ་རྒྱ་མཚོའི་བར། །ཞབས་པད་བརྟན་གནས་སྨིན་གྲོལ་ཆོས་ཀྱི་ཆར། །ལེགས་སྩོལ་བྱང་ཆུབ་མྱུར་ཐོབ་བྱིན་གྱིས་རློབས། །ཞེས་ཡོངས་འཛིན་དམ་པའི་ཞབས་པད་དུ་ཚེ་དབང་ནོར་བུས་ཕུལ་བ་དགེ། ཞེས་པ་སོགས་ཞབས་བརྟན་གསོལ་འདེབས་དང་འབྲེལ་བའི་བསྟོད་བསྔགས་མང་པོ་གནང༌། ཚུལ་དེ་ལ་དཔགས་ན་མཁས་གྲུབ་ཆེན་པོ་ཞིག་བཞུགས་ངེས་ཀྱང་རྣམ་ཐར་ཞིབ་པར་དེ་སྔོན་མ་མཇལ་ལོ། །